Nu da volgens den UNESCO het westvloams als e "bedreigde taal" oanzyn wordt willen we met die site doa etwa an dôun.
Wa da wel posityf is is da ze klappen van e toale en ny van e dialect. De site is dus ook helemoale in 't westvloams geschreven.
De schyfwyze van 't westvloams ligt ny echt vaste dus schryven we hyr glik of da wydre peinz'n da't mout.
Da wilt zegg'n da'j hyr vele meestoal klinkers anders go geschreven zyhn dan in 't nederlands.
De site go verschillende rubryken ên, vo te beghunnen:
- geschydenisse en cultuur
- oude westvlamse woird'n
- lyste en noamen van de de westvlamse van de gemeene'n
Hyran kan ydrehn mehwerken. Loat're komne dre nog mehr by.
Ook kom't dre natôrlek e blog.
Dre zyn nu (27/02/09) in de wêreld 6,6 miljard menschen wovan 1.141.866 miljoen westvloaminghen.
Uyze tale is't 't gehne dat uyz van oal dy andre apart moakt, da verlyzen is jen eigne identiteit verlyzen in e wêreld woa da oalles
up mekoar begint te glyken.
Ook in Europa da'd in de toukomste mehr en mehr en Europa van regio's go worden is't belangryk z'n identiteit te bewoaren.
De menschen in Westvloandren dy vynden da hundre zeunen en dochters gin westvloams mouten kunnen en z'upvouden oallehne in 't nederlands
of e sôirte vrt-nederlands-antwerps zyn up de verkehrde weg en goan dre de schuld van zyn dat 't westvloams zou verdwynen en da mag ny geböreni